كتير مننا قبل ما يسافر و هو بيخطط للسفر بيبقى واخد باله من كل التفاصيل و عارف هيسافر فين و على طيران إيه و اما يوصل هيعمل إيه و يزور أماكن إيه و يتحرك إزاي بس كتير مننا ما يعرفش إن إختيار الكرسي المناسب على الطيارة بيفرق كتير جدا في سفرك و رحلتك .. لو أول مرة تعرف المعلومة دي تعالى أقولك بيفرق في إيه :
إختيار الكرسي من الأشياء المهمة جدا عند بعض الناس زي الناس اللي عندها مشكلة في حجمها أو في وزنها و عند الناس طوال القامة اللي عايزة مساحة كويسة لرجليها , و الناس اللي بتحب التصوير و بالتالي محتاجة مكانها يبقى جنب شباك الطيارة , و الناس اللي مش بتحب تقعد في الممر عشان تبقى معرضة إن اللي رايح و اللي جاي يخبط فيها و يزعجها , و الناس اللي عندها فوبيا من الطيران فـ عشان تحس بالأمان بتحب تقعد جنب مخرج الطوارئ في الطيارة .
كل دي حاجات و أسباب تخليك تفكر في كيفية إختيار كرسي الطيارة و خصوصا لو كانت رحلتك طويلة جدا و ممكن تقعد في نفس الكرسي لمدة 7 ساعات .
دلوقتي اغلب شركات الطيران بتقدم خدمة إنك ممكن تختار الكرسي اللي إنت عايزه بشكل مجاني تماما و شركات تانية بتقدم ليك الخدمة دي بمبلغ بسيط جدا مقارنة بسعر تذكرة السفر.
و بصفة عامة الكراسي الموجودة في الصفوف الأمامية بتكون أفضل من كراسي الصفوف الخلفية , و في دراسات بتقول إن كراسي منتصف الطيارة الموجودة فق الجناحين بتكون هي الأفضل لأن ده امتن و أقوى جزء في الطيارة و عشان كده مش هتحس بالمطبات الهوائية أثناء السفر الطيارة.
نيجي بقى لأهم سؤال ! ازاي اعرف شكل الطيارة قبل ما أسافر و حظي يقع في كرسي مش كويس ؟
الحل عندنا عن طريق موقع seatguru الموقع ده هيساعدك إنك تعرف شكل الطيارة و المخطط بتاعها قبل ما تسافر عليها , كل اللي عليك إنك تدخل رقم رحلتك و هو هيقولك كمان مزايا وعيوب كل كرسي على الطيارة اللي إنت مسافر عليها , و بكده تقدر تستمتع برحلتك من غير أي مشاكل.
و في نهاية موضوعنا نتمنى تكونوا إستفدتم من المعلومات اللي قدمناها و في إنتظار تعليقاتكم و إستفساراتكم اللي هنرد عليها في أسرع وقت ممكن إن شاء الله.
إختيار الكرسي من الأشياء المهمة جدا عند بعض الناس زي الناس اللي عندها مشكلة في حجمها أو في وزنها و عند الناس طوال القامة اللي عايزة مساحة كويسة لرجليها , و الناس اللي بتحب التصوير و بالتالي محتاجة مكانها يبقى جنب شباك الطيارة , و الناس اللي مش بتحب تقعد في الممر عشان تبقى معرضة إن اللي رايح و اللي جاي يخبط فيها و يزعجها , و الناس اللي عندها فوبيا من الطيران فـ عشان تحس بالأمان بتحب تقعد جنب مخرج الطوارئ في الطيارة .
كل دي حاجات و أسباب تخليك تفكر في كيفية إختيار كرسي الطيارة و خصوصا لو كانت رحلتك طويلة جدا و ممكن تقعد في نفس الكرسي لمدة 7 ساعات .
دلوقتي اغلب شركات الطيران بتقدم خدمة إنك ممكن تختار الكرسي اللي إنت عايزه بشكل مجاني تماما و شركات تانية بتقدم ليك الخدمة دي بمبلغ بسيط جدا مقارنة بسعر تذكرة السفر.
و بصفة عامة الكراسي الموجودة في الصفوف الأمامية بتكون أفضل من كراسي الصفوف الخلفية , و في دراسات بتقول إن كراسي منتصف الطيارة الموجودة فق الجناحين بتكون هي الأفضل لأن ده امتن و أقوى جزء في الطيارة و عشان كده مش هتحس بالمطبات الهوائية أثناء السفر الطيارة.
نيجي بقى لأهم سؤال ! ازاي اعرف شكل الطيارة قبل ما أسافر و حظي يقع في كرسي مش كويس ؟
الحل عندنا عن طريق موقع seatguru الموقع ده هيساعدك إنك تعرف شكل الطيارة و المخطط بتاعها قبل ما تسافر عليها , كل اللي عليك إنك تدخل رقم رحلتك و هو هيقولك كمان مزايا وعيوب كل كرسي على الطيارة اللي إنت مسافر عليها , و بكده تقدر تستمتع برحلتك من غير أي مشاكل.
و في نهاية موضوعنا نتمنى تكونوا إستفدتم من المعلومات اللي قدمناها و في إنتظار تعليقاتكم و إستفساراتكم اللي هنرد عليها في أسرع وقت ممكن إن شاء الله.